Catro empresas optan a realizar as obras da cuberta do Pavillón da Xunqueira
Por Redacción
As firmas Constructora e Ingeniería Messi SL (Construcciones CIM), Impervelper SL, Sodein Soluciones Integrales SL e Zona de Obra O Rosal SL son as candidatas para acometer as obras de tratamento da cuberta do Pavillón Multiusos da Xunqueira.
O tenente de alcalde e concelleiro de Deportes, Tino Fernández, sinalou que "o principal obxectivo do proxecto é a reparación integral da cuberta do Pavillón, realizada con panel sándwich", e contempla a impermeabilización para evitar os problemas de entrada de augas pluviais que padece o edificio substituíndo os canalóns e baixantes de chapa de aluminio actuais.
Ademais procederán á limpeza da cuberta para eliminar musgos e suciedade, o selado das xuntas de unión de paneis, o revestimento con Hyperdesmo Poliurea HC en toda a superficie ata acadar un espesor de 1,6 mm de lámina elástica impermeable e a aplicación de verniz protector de raios UV.
As actuacións teñen un prazo de execución de tres meses desde o seu inicio e conta cun orzamento base de licitación de máis de 172.000 euros.