Seis podios para a Gimnástica no Campionato de Galicia Absoluto celebrado en Expourense
Por Redacción
O Campionato de Galicia Absoluto de atletismo fixo vibrar esta fin de semana aos asistentes á pista cuberta de Expourense, nunha cita na que se celebrou un récord do mundo, nove récords galegos e varias marcas mínimas para o nacional absoluto que se disputará este mes no mesmo escenario os días 25, 26 e 27.
Entre os participantes que viaxaron a Ourense estaban os deportistas da Sociedad Gimnástica de Pontevedra Sergio Rodríguez, Adrián Lago, Carlos Porto, Pablo Bocelo, Andrea Villaverde e Víctor Gallego, que destacaron nas súas modalidades para subirse ao podio.
Rodríguez sacou billete para o estatal grazas aos salientables 21.75 que lle outorgan o subcampionato galego. Lago, pola súa banda, realizou unha vibrante carreira para lograr un segundo posto nos 800 metros cun tempo de 1:54.34.
En fondo, Carlos Porto protagonizou unha das carreiras máis emocionantes do campionato, logrando colgarse o ouro cun tempo de 3:49.13. No podio o acompañou o seu compañeiro de equipo Pablo Bocelo que se fixo coa segunda posición cun crono de 3:49.26. Ademais de conseguir o campionato e subcampionato galego respectivamente, ambas marcas permítenlles participar no Campionato nacional.
No concurso de lonxitude cobrou protagonismo o salto de Andrea Villaverde, que superou as súas oponentes grazas a unha marca de 5.66 metros que a aupou á primeira posición.
Finalmente, Víctor Gallego recuperou o título de campión galego en peso grazas aos seus 15.57 metros. Con esta marca, Gallego logrou ademais o récord galego máster.
Consulta todos os resultados do Campionato de Galicia absoluto de pista cuberta
Relacionadas:
-
Dous postos de finalista, balance da Gimnástica no Nacional Sub-23
Por Redacción |
-
A Xunta reparte entre 72 clubes da cidade axudas por valor de 837.000 euros
Por Redacción |
-
Dani Chamosa brilla no nacional de marcha e volve codearse coa elite
Por Manu Otero |
-
A Gimnástica revalida título na XVII Copa Xunta de Galicia en Pista Cubierta
Por Redacción | Creada e actualizada
-
Triunfo e mellor marca persoal para o marchador Daniel Chamosa no autonómico de 10 quilómetros en ruta
Por Redacción |
-
A Gimnástica reforza o seu equipo masculino con tres lanzadores e tres corredores
Por Redacción |