Charo Castro renova o seu compromiso como presidenta da Gimnástica ata 2026
Por Diego Espiño
Aposta pola continuidade na Sociedad Gimnástica, que este xoves celebrou unha asemblea de socios na que se debía nomear unha nova xunta directiva.
Tal e como se esperaba Charo Castro foi reelixida como presidenta da veterana sociedade deportiva, que este curso cumprirá 95 anos de vida, sendo a súa a única candidatura presentada. Seguirá rodeada dos mesmos compañeiros de directiva dos últimos anos, con Santi Ferrer como vicepresidente, Lucía Ferreiro como secretaria ou Julio Ventín como tesoureiro, entre outros.
"Toca ata 2026 e os obxectivos son os mesmos, seguir mantendo ao equipo masculino na máxima categoría, na División de Honra, e tentar paiño a pasiño que as mozas se acheguen ao ascenso, e logo seguir como sempre coas escolas de base", explica Castro.
Ademais co fin das restricións en eventos deportivos a dirixente da Gimnástica asegura que "teño a confianza de que este ano podamos celebrar con toda normalidade tanto o medio maratón como a San Silvestre", sinalou en relación a dúas das probas deportivas de maior repercusión que organiza ao longo do ano.
A idea é "seguir adiante como o estamos facendo", defende, tentando fomentar a práctica deportiva do atletismo desde a idade escolar. Todo sen esquecer a efeméride do seu 95 aniversario, que esperan celebrar ao grande o próximo mes de setembro.
Relacionadas:
-
Reyes Estévez e Marta Prieto, reinan no Medio Maratón de Pontevedra
Por Almu Dapena & Cristina Saiz |
-
Reyes Estévez apúntase ao Medio Maratón de Pontevedra
Por Redacción |
-
Conseguir un dobrete no Campionato Xunta de Galicia de Atletismo, todo un reto para a Gimnástica
Por Redacción |
-
Bronce para Marina Artemia Pérez na súa estrea nun Campionato de España en Pista Cuberta
Por Redacción |
-
O CGTD será sede da primeira xornada de liga na Primeira División Feminina de atletismo
Por Redacción |