Lydia Pérez cae na rolda de clasificación do Europeo tras un apertado combate
Por Diego Espiño
Chegaba á cita con ganas de medirse e coa ilusión de lograr un bo resultado tras meses de duro adestramento, pero non puido ser.
Lydia Pérez non puido coarse na pelexa polas medallas do Campionato de Europa de Loitas Olímpicas que se celebra estes días na capital húngara, Budapest.
A pesar de manter as súas opcións ata o final do seu combate, na categoría de -62 quilos, a deportista do Club de Loita Pontevedra terminou cedendo na rolda de clasificación ante a turca Yagmur Cakmak por un apertado 4-5.
Apartada dos cuartos de final, a vía da repesca pechouse pronto ao caer Yagmur Cakmak no seu seguinte cruzamento, que lle enfrontaba á búlgara Taybe Mustafa Yusein.
Así conclúe a participación de Lydia Pérez na primeira gran cita internacional dunha tempada na que tamén aparecen no calendario os Xogos Mediterráneos e o Campionato do Mundo.
Relacionadas:
-
Triplete de ouros nacionais para Lydia Pérez
Por Redacción |
-
Un Campionato de Europa de Loita ilusionante para Lydia Pérez
Por Diego Espiño |
-
Lydia Pérez, cos Xogos Olímpicos entre cella e cella: "O único camiño é persistir. Se non é en París será en Los Ángeles"
Por Diego Espiño & Mónica Patxot |
-
O torneo Dan Kolov en Bulgaria, primeiro reto internacional do ano para Lydia Pérez
Por Redacción |
-
Dobre título nacional para Lydia Pérez, no tapiz... e na praia
Por Diego Espiño |