Bea Gómez, convocada para o Campionato de Europa en Piscina Curta de Herning (Dinamarca)
Por Redacción
A Real Federación Española de Natación fixo pública a composición do equipo nacional que participará no próximo Campionato de Europa de Piscina Curta, selección na que está a pontevedresa Beatriz Gómez Cortés.
A nadadora do Galaico acudirá á cita, que se celebra na localidade danesa de Herning do 12 ao 15 de decembro, para competir en catro probas: 200 e 400 metros estilos, 200 braza e 400 libre.
Na convocatoria tamén se atopan a súa compañeira de adestramentos, a ribeirense María Vilas, e a adestradora de ambas no Centro Galego de Tecnificación Deportiva, Luisa Domínguez.
María Vilas está anotada en dúas especialidades, os 800 metros libres e os 400 estilos.
A lista de nadadores complétana: Mireia Belmonte e Melani Costa (UCAM Fuensanta), Merche Peris (St. Olaya), Duane da Rocha (Mijas), Jessica Vall (CNSA), Jimena Pérez Branco (Gredos SD), Marc Sánchez e Miguel A. Rozas (Sabadell), Albert Puig (Terrassa), Víctor Goicoechea (CNSA), Carlos Peralta (Canoe) e Alejandro García (Zamora).
Relacionadas:
-
Xornada de transición para Bea Gómez no Europeo de piscina curta de Herning
Por Redacción |
-
Décimo sexto posto para Bea Gómez no primeiro día de competición do Europeo de Piscina Curta
Por Redacción |
-
Bea Gómez, María Vilas e Manuel Dávila estrean o grupo de alto rendemento en natación do CGTD
Por Diego Espiño |