Décimo sexto posto para Bea Gómez no primeiro día de competición do Europeo de Piscina Curta
Por Redacción
O debut de Bea Gómez no Campionato de Europa de Piscina Curta de Herning, Dinamarca, deparou un décimo sexto posto para a pontevedresa na proba de 200 metros estilos.
A nadadora do Galaico quedou a un segundo do décimo posto que daba acceso á final, marcando un tempo de 2.10.96, case idéntico á súa mellor marca lograda fai escasos días no Nacional de Castellón (2.10.93).
Ata o domingo Bea aínda competirá nos 200 braza este venres, os 400 libres o sábado e os 400 estilos o último día de campionato.
A participación galega en Herning a completa a ribeirense María Vilas, que nadará os 800 metros libres o venres e os 400 estilos o domingo.
CONCENTRACIÿN EN SERRA NEVADA
A dirección técnica da Real Federación Española de Natación anunciou este xoves a convocatoria do Equipo Nacional Absoluto que participará na concentración en altura planeada no Centro de Alto Rendemento de Serra Nevada entre os días 28 de decembro e 16 de xaneiro.
Alí estarán entre outros deportistas, as dúas nadadoras do Centro Galego de Tecnificación Deportiva, Bea Gómez e María Vilas.
Relacionadas:
-
Obxectivo cumplido para Bea Gómez Cortés: quinta nos 400 estilos do Europeo de Herning
Por Alejandro Espiño |
-
Bea Gómez, fóra da final de 400 libres do Europeo ao quedar por detrás de Mireia Belmonte e Melani Costa
Por Alejandro Espiño |
-
Xornada de transición para Bea Gómez no Europeo de piscina curta de Herning
Por Redacción |
-
Cuarta e quinta medalla para Bea Gómez na xornada final do Nacional de Inverno
Por Redacción |
-
Dúas novas medallas para Bea Gómez Cortés, prata e bronce, no Nacional de Inverno
Por Redacción |
-
Bea Gómez, convocada para o Campionato de Europa en Piscina Curta de Herning (Dinamarca)
Por Redacción |