Marín inaugurará a tempada de verán cunha carreira a pé por todas as súas praias
Por Redacción
A fachada litoral do municipio de Marín será a protagonista da primeira edición da Carreira Carmiña, un evento que suma deporte, turismo e cultura e que pretende fixar unha data no calendario de probas para non perder.
A alcaldesa, María Ramallo e o concelleiro de Deportes, Antonio Traba, presentaron xunto ao organizador do evento, Víctor Riobó, esta carreira, que será o 12 de xuño e que xa ten abertas as inscricións
A saída será desde a Praia de Lapamán, pasando por todo o resto de areais do Concello até chegar finalmente ao Paseo Alcalde Blanco, recén reformado e cunha meta que terá unhas vistas privilexiadas á illa de Tambo.
En total, o percorrido terá unha distancia de 10,6 quilómetros e transcurrirá por toda a costa, por riba do mar, con traxectos de terra, asfalto e area de praia, de xeito calculado para facer pasar aos corredores no momento de marea baixa.
Tal e como indicou Riobó, o obxectivo é chegar aos 600 participantes e atraer ata a vila “a persoas de distintos puntos de España, que veñan correr a Marín e a gozar dunha fin de semana en Galicia”.
A alcaldesa quixo animar a todas as persoas amantes do deporte a anotarse a este evento, “que estamos convencidos que será unha cita ineludible para coñecer dun xeito diferente a nosa contorna, a nosa paisaxe”.
Relacionadas:
-
Marín presume de praias cunha carreira desde Lapamán ata o paseo Alcalde Blanco
Por Redacción |
-
O Paseo Alcalde Blanco inaugurarase este xoves coa posta en marcha dos xogos de auga
Por Redacción |
-
Marín licita a explotación dos servizos nas súas praias para os tres próximos anos
Por Redacción |
-
Batalla de flores entre o Paseo Alcalde Blanco e o casco urbano de Marín
Por Redacción |
-
Os operarios municipais incrementan a limpeza nas praias de Poio
Por Redacción |
-
Preto de 300 corredores de todas as idades celebran a décima edición da Carreira Pedestre de San Brais
Por Redacción & Cristina Saiz |
-
O primeiro Trail Portalén reunirá 300 corredores na Lama
Por Redacción |
-
A carreira popular Pinga-Pinga volve coa súa XI edición
Por Redacción |