Recoñecemento á tempada do Pontevedra na Gala da Asociación de Clubs Galegos de Fútbol - Proliga
Por Redacción
A Asociación de Clubs Galegos de Fútbol - Proliga celebrará o vindeiro venres 17 de xuño en Teo a undécima edición da súa gala de final de tempada, na que un dos grandes protagonistas será o Pontevedra Club de Fútbol.
A entidade granate copa un bo número dos premios que serán entregados despois da súa gran tempada, que finalizou en ascenso directo á Primeira RFEF.
Pablo Cacharrón será recoñecido co 'Trofeo Miguel Ángel' como o porteiro menos goleados dos equipos galegos de Segunda RFEF (24 goles), Charles recibirá o 'Trofeo Amancio Amaro' como máximo goleador da categoría (19 goles), mentres que Brais Abelenda será distinguido co 'Trofeo Luís Suárez' ao mellor xogador galego de Segunda RFEF.
Ademais o Pontevedra recibirá unha homenaxe como campión do Grupo I da Segunda RFEF, e o filial granate recibirá o premio á deportividade no Grupo Sur de Preferente.
Na gala tamén serán homenaxeados o Viajes Interrías polo seu ascenso á Terceira RFEF do fútbol feminino e o Moraña CF como campión do Grupo V da 1ª Galicia.
O acto celebrase no Restaurante Los Robles, no municipio coruñés de Teo.
Relacionadas:
-
O Pontevedra impón o seu ritmo na planificación deportiva
Por Diego Espiño |
-
A Primeira RFEF, unha categoría chea de esixencias
Por Diego Espiño |
-
"Estívose liquidando a pasada tempada e se leva días traballando na nova, pero non hai nada que anunciar aínda"
Por Diego Espiño |
-
O regreso de Coke Carrillo ao Pontevedra, un soño?
Por Diego Espiño |
-
Reforzar a portería, entre os obxectivos do Pontevedra no mercado de fichaxes
Por Diego Espiño |
-
Unha falta de 'feeling' con difícil solución
Por Diego Espiño |