Toni Otero, sobre a opción de fichar a Sergio Marcos e Jon Bakero: "Falamos, as súas pretensións son altas e oxalá puidesen vir"
Por Diego Espiño
Un erro no envío de información de carea ao comezo de pretempada fixo saír á luz este domingo o nome de tres futbolistas que interesaban ao Pontevedra Club de Fútbol, e que enseguida foron borrados da lista do primeiro adestramento do curso.
Tratábase do central Jordi Figueras, o centrocampista Sergio Marcos e o dianteiro Jon Bakero, aos que se referiu este luns o director deportivo granate, Toni Otero.
"Tiña dúas fotografías, unha que estaba a traballar co míster con opcións para vir, e outra coa pretempada. Sen querer mandei a que non era, a que estaba a traballar co míster. O erro é meu, eu son quen se equivoca ao mandar a fotografía", xustificou Otero a pesar da rápida rectificación desde o club.
Trátase en todo caso, defende, de opcións para reforzar ao equipo, e de feito unha xa é inviable. "Queriamos a Jordi, estaban as negociacións bastante avanzadas e polo que sexa rompeu e asinou no Algeciras", revelou sobre a súa renovación co club andaluz.
En canto a Sergio Marcos, centrocampista que o pasado curso defendeu as cores do Racing de Santander e previamente estivo entre outros na Cultural Leonesa, e Jon Bakero, dianteiro do Slavia Sofía e fillo do ex-xogador do Barcelona José María Bakero, "é certo que falamos, as súas pretensións son altas e oxalá puidesen vir", explicou o director deportivo afirmando que "traballamos esas opcións e máis".
En todo caso, Toni Otero avanza que o mercado de fichaxes "vai ir lento, con paciencia", xa que agora mesmo "está polas nubes, é unha barbaridade, creo que é inviable nestes momentos para nós. O noso orzamento é o que é e con iso imos facer un bo equipo, pero sen malgastar o diñeiro e coller o primeiro que veña", defendeu.
Por último o responsabvle da planificación deportiva aclarou a situación dos defensores Pacheco e Samu Santos, os grandes ausentes da primeira sesión da pretempada do primeiro equipo, ao contar con contrato en vigor. No caso do primeiro, o seu destino será o filial de Preferente, mentres que Samu "buscóuselle unha saída que en breve se comunicará", confirmou.
Relacionadas:
-
O Pontevedra 'iza velas' coa súa campaña de socios para a Primeira RFEF
Por Diego Espiño |
-
Cinco rivais do Pontevedra, con céspede a estrear
Por Diego Espiño |
-
Primeiros apuntamentos de Antonio Fernández ao plantel: "Cando perdo aperto, son incómodo para o rival"
Por Diego Espiño |
-
O Xuíz de Competición valida a inscrición do Pontevedra na Primeira RFEF
Por Diego Espiño |
-
Bota a andar o proxecto do Pontevedra en Primeira RFEF con Seoane e Rufo entre algodóns
Por Diego Espiño & Mónica Patxot |
-
Jesús Ramos volve ao Pontevedra como adestrador do filial e director deportivo da canteira
Por Diego Espiño |
-
Na busca de xogadores sub-23 e con dúas (ou tres) fichas sénior dispoñibles
Por Diego Espiño |
-
O Pontevedra vestirá a marca Hummel por cuarta tempada consecutiva
Por Diego Espiño |
-
Desvelado o calendario de pretempada do Pontevedra con seis partidos amigables
Por Diego Espiño |
-
Santi Figueroa xogará no Arosa a próxima tempada co reto de "tratar de explotar e demostrar todo o meu nivel"
Por Diego Espiño |
-
Ángel Bastos, primeira fichaxe granate: "Cando vin que o Pontevedra subía a Primeira RFEF a miña intención era vir aquí"
Por Diego Espiño |