O Teucro contará con Marko Dzokic para a próxima tempada
Por Redacción
Boas noticias para a Sociedad Deportiva Teucro, que contará con Marko Dzokic defendendo a súa camiseta durante polo menos unha tempada máis.
O capitán, que confirmou o pasado mes de xuño que sufría un cancro testicular, atópase en plena recuperación, pero desde o club esperan que "en outubro poida integrarse á disciplina".
Dzokic chegou hai tres tempadas ao Teucro e converteuse nun dos xogadores máis importantes do equipo, onde xogou o seu pai, Goran Dzokic, décadas atrás.
Á renovación de Marko súmase a chegada ao primeiro equipo do canteirán Sergio Blond, que empezou en benxamíns e foi convocado pola selección galega en todas as categorías.
Esta semana tamén houbo tempo para as fichaxes no Teucro, e é que o central Xurxo Rivas incorporarase esta tempada ás filas pontevedresas tras pasar polo Seis ou Nadal e polo Villers de Francia (Primeira Nacional) onde estivo a xogar ao estar alí de Erasmus.
A el súmase o regreso do canteirán Miguel Giménez Pello, que estaba cedido no Lavadores esta tempada. O porteiro é fillo do lendario Txiki e actual adestrador dos xuvenís.
A parte amarga chega coa despedia de Gonçalo Areias, Pedro Sánchez e de Álex Gómez, que non seguirán no próximo curso.
Relacionadas:
-
O Teucro centra a súa campaña de socios en recuperar a masa social perdida
Por Redacción |
-
Triunfo do Teucro no seu primeiro amigable da pretempada
Por Redacción |
-
O Teucro de Primeira Nacional ponse en marcha co reto de rexurdir das súas cinzas
Por Redacción |
-
O Teucro arrinca a planificación de Primeira Nacional
Por Redacción |
-
Novos socios incorpóranse á xestora dun Teucro que se aferra á vida
Por Redacción |
-
O Teucro xa coñece os seus rivais para o primeiro curso en Primeira Nacional
Por Manu Otero |
-
O Teucro confirma a baixa temporal de Marko Dzokic "por cancro testicular"
Por Diego Espiño |