O Teucro arrinca a planificación de Primeira Nacional
Por Redacción
A Sociedad Deportiva Teucro arrincou coa planificación da nova tempada en Primeira Nacional e esta semana confirmou as que son as primeiras renovacións e ausencias.
O conxunto azul fixo oficial que a adestradora Irene Vilaboa continuará defendendo o banco e dirixindo ao equipo, polo menos, por un ano máis.
Asumiu os mandos do Teucro no ano 2020 para substituír a Luís Montes e afrontará este 2022 a que será a súa terceira campaña no club e na que tentará devolvelo á categoría que se merece.
O que tamén se apunta ao reto de recuperar a praza en División de Honra é o extremo esquerdo Álex Sánchez, que chegou o verán pasado para reforzar o persoal.
Sánchez comezou a xogar ao balonmán nas filas do Balonmán Chapela, foi un habitual nas listas de concentración da Selección Galega e participou en tres fases de ascenso, unha de categoría cadete e outras dúas de categoría xuvenil.
Víctor Deco, pola súa banda, abandona as filas pontevedresas para xogar no Villa de Aranda e cubrir a zona do pivote do equipo burgalés.
O sevillano despídese do Teucro despois de dúas tempadas e recalará en Burgos, onde seguirá xogando en División de Honra.
Relacionadas:
-
O Teucro centra a súa campaña de socios en recuperar a masa social perdida
Por Redacción |
-
Triunfo do Teucro no seu primeiro amigable da pretempada
Por Redacción |
-
O Teucro de Primeira Nacional ponse en marcha co reto de rexurdir das súas cinzas
Por Redacción |
-
O Teucro contará con Marko Dzokic para a próxima tempada
Por Redacción |
-
Novos socios incorpóranse á xestora dun Teucro que se aferra á vida
Por Redacción |
-
O Teucro xa coñece os seus rivais para o primeiro curso en Primeira Nacional
Por Manu Otero |
-
O Teucro confirma a baixa temporal de Marko Dzokic "por cancro testicular"
Por Diego Espiño |
-
O Teucro descende a Primeira Nacional (30-36)
Por Almu Dapena |