Xornada de piragüismo na Illa de Arousa coa quinta competición da Liga Deputación
Por Redacción
Durante a matinal deste sábado celebrouse na praia de O Bao da Illa de Arousa a quinta competición da liga Deputación de Pontevedra na que participaron preto de 500 deportistas das categorías alevín, benxamín e prebenxamín sobre a distancia de 1500 metros.
Nela participaron 21 equipos da provincia, dos cales quedou campión o Club Confraría de Pescadores Portonovo cun total de 12.321puntos. Segundo, con 7.402 puntos foi o Club de Mar Ría do Aldán e terceiro, con 6.673 puntos, o Club Náutico O Muíño.
Os primeiros en entrar en contacto coa auga foron os mozos de categoría prebexamín, onde as tres primeiras posicións foron para Adrián Pérez (E.P. Ciudad de Pontevedra), Samuel Alonso (Piragüismo Olívico) e Hugo García (Piragüismo Olívico).
Na clasificación feminina, a vencedora foi Lucía Iglesias (O Muiño), mentres que a súa compañeira Noa Besada (Portonovo) foi segunda e Noa Pedrares (Kayak Tudense) terceira.
Continuou a competición coas mulleres da categoría Benxamín A, na que Aitana Casal (Piragüismo Verducido) fíxose coa medalla de ouro. A prata e o bronce foron para Lucía Piña (Kayak Tudense) e Lía Míguez (Kayak Tudense). Raquel Carballo (Kayak Tudense) gañou a proba de Benxamín B, por diante de Alba Queiro (Piragüismo Vilagarcía) e Ana Trigo (Piragüismo Cambados).
Pola súa banda, en categoría masculina Benxamín A, o podio formárono Samuel Diogo (Piragüismo Olívico), Lucas Caride (Ría de Aldán) e Gonzalo Carrera (Kayak Vigo), mentres Mateo Pérez (Piragüismo Verducido), Enzo Rodríguez (Portonovo) Yago González (Naval de Pontevedra) completaron o do Benxamín B.
A continuación, Claudia Lamas (Portonovo) cruzou a liña de meta en primeiro lugar da categoría muller Alevín B, seguida por Marta Gallego (E.P. Ciudad de Pontevedra) e Sofía Vallejo (Portonovo). O podio masculino foi para Martín Estévez (Piragüismo Verducido), o seu compañeiro Leo Bernal e Lucas Novo (Náutico Pontecesures).
A xornada concluíu coas carreiras dos homes e mulleres Alevíns A, onde Carla Corrales (Náutico Cobres), Laura Ventura (Piragüismo Verducido) e Luna Borrego (Piragüismo Olívico) formaron o podio feminino mentres que o masculino completárono Antón Torre (Piragüismo Vilagarcía), (Piragüismo Olívico) e Cibrán Dacosta (Ría de Aldán).