O marinense Iván García cólgase o bronce no Grand Prix de París
Por Redacción
O taekwondista de Mat's de Marín Iván García fixo historia esta fin de semana ao acadar a medalla de bronce no Grand Prix de París, nunha proba na que estiveron presentes os mellores taekwondistas do mundo en busca de puntos para a clasificación olímpica. Iván, que adestra no CGTD de Pontevedra baixo a batuta de Jesús Benito, venceu en tres combates e só caeu na semifinal ante o croata Iván Sapina, nos últimos segundos.
En primeira rolda Iván enfrontouse ao canadense Marc Andre Bergeron, nun combate no que o galego non se atopou excesivamente cómodo e iso viuse reflectido no marcador, xa que perdeu o primeiro asalto e tivo que remontar para vencer 2-1. A continuación loitou ante Smaiyl Duisebay (Kazajistán) e Iván foi crecendo moito no seu rendemento para gañar en dous asaltos.
Nos cuartos de final esperaba o chino Zhaoxiang Song, que viña dun combate moi duro contra o turco Atesli, e novamente o noso taekwondista competiu con moita cabeza e sabendo que tiña que marcar un ritmo moi alto fronte a un rival bastante canso. Iván venceu en dous asaltos moi loitados.
Na semifinal esperaba Iván Sapina (Croacia) no que foi un fantástico combate, tremendamente axustado. Iván perdeu o primeiro asalto, pero venceu no segundo e todo tiña que decidirse no terceiro e definitivo. E Iván foi por diante no marcador ata os últimos segundos, nos que Sapina logrou sorprender ao galego, que tivo que conformarse cunha moi meritoria medalla de bronce.
Relacionadas:
-
O Grand Prix de Mánchester, oportunidade para Iván García de achegarse a París 2024
Por Redacción |
-
Iván García, un marinense convencido de poder chegar aos Xogos: "Vai estar na miña man"
Por Diego Espiño & Mónica Patxot |
-
Iván García, preparado para dar o salto aos Grand Prix de Taekwondo e medirse aos mellores do mundo
Por Diego Espiño |