Álex Chan e Roney Franzini, os piares dun Cisne de doce
Por Diego Espiño
O Club Cisne Balonmán está a vivir un inicio soñado no seu regreso á Liga Asobal. A pesar da derrota no seu primeiro encontro na cancha do Anaitasuna, os pontevedreses sacaron rendemento ás súas boas sensacións con dous triunfos consecutivos que achegan unha gran dose de confianza para seguir traballando co obxectivo da permanencia na máxima categoría.
Pero o Cisne de Javier Márquez, ademais de destacar en aspectos colectivos do xogo, ten a dous homes como piares, o central Álex Chan e o gardameta Roney Franzini, e é que as súas actuacións individuais dispararon ao equipo branco.
No caso do central pontevedrés, Chan situouse no alto da clasificación de máximos goleadores de Asobal con 28 tantos e unha media de 9,33 por partido, unhas cifras ao alcance de moi poucos.
En plena madurez deportiva, o internacional coa selección de Estados Unidos destacou fronte ao Sinfín non só na direccion de xogo, senón na súa alta efectividade, cun 100% de acerto. Lanzou 10 veces a portería e todas elas acabaron en gol, sen fallo desde os 7 metros (6 lanzamentos).
Pola súa banda Franzini foi todo un pesadelo para o Sinfín na portería, con nada menos que 17 intervencións e un 36,96% de acerto, actuación destacada mesmo pola conta oficial da Liga Asobal.
@ClubCisneBalonm está viviendo un a @ASOBAL
— ASOBAL (@ASOBAL) September 18, 2022
El portero @roneyfranzini fue el gran culpable del triunfo @bmSinfin con paradas y 36,96% de acierto
#saboreaASOBAL pic.twitter.com/fKqQ7Nzbpw
No que respecta a a tempada o porteiro brasileiro do Cisne suma 29 paradas e un 35,37% de acerto, unha porcentaxe que para poñelo en contexto compite co dos dous gardametas do todopoderoso Barcelona, como son Gonzalo Pérez de Vargas (37,65%) e Emil Nielsen (36,67%).
Por aí explícase en parte o gran inicio do Cisne, que grazas aos 4 puntos sumados no seu marcador afrontará con menos presión os seus próximos e complicados duelos, primeiro na pista do Ademar de León e despois recibindo o Granollers.
Relacionadas:
-
Álex Chan, convocado con Estados Unidos para o Mundial de Polonia e Suecia: "Non foi unha sorpresa"
Por Almu Dapena |
-
A imbatibilidade do Cisne como local, a proba coa "visita complicadísima" do Granollers
Por Diego Espiño |
-
Malas novas para o Cisne e para Marko Ojeda, ao confirmarse a rotura do ligamento cruzado do seu xeonllo
Por Redacción |
-
Xerro de auga fría para o Cisne en León (39-32)
Por Almu Dapena |
-
O Cisne, a por a terceira vitoria visitando a un Ademar León fráxil en defensa
Por Almu Dapena |
-
O Cisne castiga o Sinfín na segunda metade (30-29)
Por Almu Dapena & Cristina Saiz |
-
Estrella Galicia súmase á lista de patrocinadores do Cisne tras o seu ascenso á Liga Asobal
Por Redacción |
-
O Cisne estréase na casa con vitoria sobre o Benidorm tras un duelo de infarto (31-28)
Por Almu Dapena & Mónica Patxot |