Ouro e prata para o arqueiro do Boa Vila Alberto Villarroel no nacional en sala
Por Redacción
O arqueiro Alberto Villarroel, do club Boa Vila de tiro con arco, conseguiu dúas medallas, ouro e prata, nos campionatos de España desta disciplina nas modalidades de Tradicional e Espido en Sala e 3D en Sala, respectivamente.
A competición celebrouse no Palacio de Exposicións e Congresos de León e o arqueiro do club pontevedrés acudiu representando a Galicia.
O deportista debutou na competición o sábado 28 en en o campionato de 3D en sala na modalidade de tradicional masculina, na que acabou en segunda posición por detrás do andaluz Joaquín López.
Mellor resultado conseguiu na xornada seguinte, na que se colgou a medalla de ouro na modalidade de Tradicional, do segundo campionato de España celebrado esta fin de semana, que é o de Tradicional e Espido en Sala. Acompañárono no podio a Villarroel, Agustín Beira (Castela a Mancha) e Juan Irureta (Madrid).