Unha entrada gratis para cada socio para encher Pasarón na primeira final pola permanencia
Por Manu Otero
O Pontevedra afronta este domingo a primeira dunha serie de tres finais que marcarán as opcións de permanencia do club granate en Primeira Federación. Para conseguir o obxectivo, o apoio do público será fundamental, por iso desde a directiva lanzaron xa unha oferta para que Pasarón luza contra o Ceuta ás 12 horas do dominga como nas súas mellores citas.
Cada socio poderá retirar unha entrada gratuíta de categoría sénior para a súa mesma bancada. Este pase debe ser retirado nas oficinas do club antes do venres ás 19 horas ou a través da páxina web oficial da entidade ata o día antes do partido. Nos despachos de billetes do estadio o día do partido non se poderán retirar invitacións, só comprar entradas.
Ademais, os menores de seis anos poderán entrar de forma gratuíta en calquera bancada. E os menores de 16 poderán acceder tamén libremente á bancada de Preferencia se portan unha peza de vestir granate. Con todo, será necesario que os menores de 16 anos retiren a súa entrada gratuíta para poder entrar no estadio.
Do mesmo xeito, o club decidiu tamén reducir o prezo das entradas para todos aqueles afeccionados que queden sen invitación. Para o público sénior o acceso ás bancadas de Preferencia, Fondo Norte ou Fondo Sur será de 20 euros, mentres que para Tribuna, será de 20 euros. Para os menores de 16, o prezo será de 5 euros para os fondos e tribuna, en Preferencia poderán entrar gratis se visten de granate.
ENTRADAS | Xa á venda as entradas para o partido ante a AD Ceuta
— Pontevedra CF (@PontevedraCFSAD) February 20, 2023
Cada socio de categoría adulta pode retirar 1 entrada de balde para a súa mesma bancada
Ata 6 anos entrada de balde en tódalas bancadas. pic.twitter.com/iD0TKGOQtS
Relacionadas:
-
O Ceuta, pechacancelas e equipo máis en forma da liga, é a primeira das tres finais do Pontevedra
Por Manu Otero |
-
Martín Diz: "A nivel persoal estou contento, pero quero ao club e dóeme. O Pontevedra ten que estar máis arriba"
Por Manu Otero |
-
Tres etapas para volver conectar co pelotón da permanencia
Por Manu Otero |
-
Un gol en fóra de xogo volve decidir o derbi entre Racing de Ferrol e Pontevedra (2-0)
Por Almu Dapena |
-
O plantel granate, collido con pinzas
Por Manu Otero |