Manuel Brea, quince veces campión galego absoluto
Por Redacción
O xogador do Bádminton Ravachol Manuel Brea conquista o seu décimo quinto título autonómico. A pasada fin de semana, Ourense acolleu unha nova edición do campionato galego de categoría absoluta que o xogador do equipo pontevedrés domina con puño de ferro desde fai lustros.
Brea protagonizou unha enorme actuación para proclamarse por oitava ocasión campión galego na modalidade individual. Títulos aos que hai que sumar outros sete triunfos na modalidade de dobres masculino. Un palmarés que o sitúa como o cuarto xogador da historia do bádminton galego con máis títulos.
Pola súa banda, Georgina Bland sumou o seu terceiro título autonómico tras unha demostración do seu altísimo nivel. A xogadora inglesa, nas filas do Ravachol Pontevedra desde 2020, dominou a competición de inicio a fin para sumar outro título á súa exitosa carreira deportiva.
No dobres masculino, o canteirán Hugo Salgueiro, formando parella co estradense Manuel Miguez, levou o bronce. Mentres que en dobres feminino, as 17 veces campioa, Raquel Miguens, non puido sumar un novo título ao caer en semifinais formando parella con Bland. No dobres mixto, Miguens participaba xunto a Javier Sánchez e lograron sumar outra medalla de bronce para pechar o medalleiro do club.
Relacionadas:
-
Jacobo Fernández únese á lista de renovacións do Bádminton Ravachol
Por Redacción |
-
Georgina Bland renova co Bádminton Ravachol e afrontará a súa cuarta tempada en Pontevedra
Por Redacción |
-
O Ravachol certifica a súa permanencia en Primeira División nunha agónica e decisiva xogada
Por Redacción |
-
Épica remontada do Ravachol para derrotar o San Fernando de Valencia
Por Redacción |
-
Un Bádminton Ravachol minguado polas baixas sofre ante La Orden (6-1)
Por Redacción |
-
O Bádminton Ravachol supera o Benalmádena no CGTD tras un partido igualado (4-3)
Por Redacción & Cristina Saiz |
-
O Bádminton Ravachol perde a Ania Setién e renova aos irmáns Gabriel e Jacobo Fernández
Por Redacción |