A fiabilidade granate en Pasarón, o principal medo do técnico do Mérida
Por Manu Otero
O bo rendemento en casa do Pontevedra nos últimos partidos como local é a principal preocupación do Mérida de cara ao partido que enfrontará a ambos os dous equipos o sábado en Pasarón ás 19 horas.
O entrenador Juanma Barrero, que coincidiu con Señor no Romano cando o técnico granate adestraba o extinto Mérida e el pertencía aínda ao filial, destacou que coa chegada do heroe do España - Malta ao banco, os granates son agora "máis verticais". Na rolda de prensa previa ao partido, recoñeceu o seu adestrador que o Pontevedra "non só xoga combinativo, que o facían moi ben e ségueno facendo, senón que agora alternan cun xogo máis directo no último terzo".
Neste sentido, destacou a agresividade que imprimiu Señor ao seu equipo. "Esperamos un rival que vai ser moi intenso e con forza desde o principio do partido. Irá aos duelos moi forte, coma se fose a súa última bala. Teremos que contrarrestar ese impetu indo con agresividade e forza", pide aos seus.
A única baixa segura coa que conta Barrero para o partido do sábado é a do lateral esquerdo formado en Valdebebas, David de la Víbora, mentres que o extremo Carlos Cinta será dúbida ata última hora por unha lumbalxia.
O feito de contar case con todo o seu plantel ao completo fai que o adestrador do equipo blanquinegro teña dúbidas para confeccionar un once, sobre todo nas demarcacións de ataque, e dificultades para contentar a xogadores chamados a ser titulares que están a ter moi poucos minutos de xogo.
Relacionadas:
-
O Mérida golea a un Pontevedra que fixo augas en defensa (1-5)
Por Almu Dapena & Cristina Saiz |
-
Yelko entra na convocatoria para medirse ao Mérida, pero non Rufo: "É o único que imos preservar"
Por Diego Espiño |
-
O Mérida pisa por primeira vez Pasarón, unha praza hostil para debutantes
Por Manu Otero |
-
Churre e Masogo, novos inquilinos da enfermería granate
Por Diego Espiño |
-
Promocións para o Pontevedra-Mérida con entradas de balde e a metade de prezo para socios
Por Redacción |
-
A carreira pola permanencia ponse moi quente
Por Manu Otero |