Álvaro Santos, a un paso do Europeo Sub-19
Por Redacción
A tempada futbolística non puido ser máis positiva para o marinense Álvaro Santos, peza clave do equipo xuvenil do Celta de Vigo e asentado nas convocatorias das categorías iunferiores da Selección Española.
O dianteiro foi incluído agora na lista de 25 futbolistas que prepararán o Campionato de Europa Sub-19 que se disputa o próximo mes de xullo en Malta.
O equipo nacional dirixido por José Lana concentrarase o vindeiro luns 19 de xuño e ata o día 30 en Alacante, e alí estará Álvaro Santos na última cita previa ao Europeo.
Non é aínda a convocatoria definitiva para o torneo continental, xa que o seleccionador deberá realizar cinco descartes antes de que a expedición española poña rumbo a Malta o día 1 de xullo.
No que respecta ao Campionato de Europa, na que espera estar o marinense, España medirase na primeira fase do torneo a Islandia (4 de xullo), Grecia (7 de xullo) e Noruega (10 de xullo).
Relacionadas:
-
O internacional xuvenil Álvaro Santos entra na órbita do Manchester City
Por Manu Otero |
-
Álvaro Santos convértese nun fixo nas convocatorias da Selección Española Sub-18
Por Redacción |
-
O marinense Álvaro Santos repite convocatoria coa Selección Española Sub-18
Por Redacción |
-
Álvaro Santos, do Portero 2000 a debutar coa Selección Española Sub-18
Por Redacción |