A choiva dá tregua para celebrar a Carreira Popular de Pintos
Por Redacción & Cristina Saiz
Pintos viviu este sábado 19 de agosto a súa clásica carreira popular.
A cita, organizada pola Asociación Cultural O Máis Alto de Marcón, celebrou a súa 36 edición coa participación de deportistas de todas as idades.
A Carreira Popular de Pintos comezou ás 17:30 horas coas categorías inferiores para terminar coa proba elite e a posterior entrega de premios e sorteos doados polos colaboradores.
Entre os participantes estiveron deportistas de distintas disciplinas e integrantes de integrantes de clubs como a Gimnástica, San Miguel de Marín ou Club Atletismo +9 Moraña.
Os gañadores das diferentes probas foron Vera Argibay e Leo Vázquez na categoría dos máis pequenos; Irene Lorenzo e Álex Vidal foron os mellores entre 5 e 8 anos; Laura Porto e Pablo Barreiro, entre 9 e 13 anos; Sabela Castelo e José Arias gañaron a carreira de 14 a 18 anos; Lucía Couso e David Delafuente fixéronse co primeiro posto entre 18 e 35 anos; Paula Rosales e Abel Barros gañaron a carreira de 36 a 50 anos e, finalmente, na carreira de 51 en diante gañaron Celia Rodríguez e Francisco Campos.