O Marín Futsal sálvase dunha maior goleada contra o Alcorcón (4-1)
Por Redacción
O Marín Futsal non puido facer nada na súa visita ao Alcorcón caendo por catro goles a un que puideron ser máis de non ser pola falta de puntería para portería e de Patri Arruti, que salvou ás súas de recibir unha maior goleada.
Adiantouse moi pronto o equipo oleiro cun tanto de Vane Satelo tras unha forte presión ao intento de avance das marinenses. Recuperou Aida de Miguel en á esquerda, cedeu a Peque e esta regalou o esférico para que a ourensá só tivese que meter o pé.
Arriscaba moito o equipo de Ramiro Díaz, que vía como o Alcorcón estaba a ser moi superior a pesar de perdoar unha e outra vez. Non fallou Aida de Miguel e, case sobre a bucina tras un novo roubo en campo rival, Carmen Alonso subiu o 3-0 ao marcador co que se alcanzou o descanso.
Despois do paso polos vestiarios recortou diferenzas o Marín Futsal por medio de Carolina Bravo, pero cando as visitantes optaron polo xogo de cinco e baleiraron a súa portería, Claudia López sentenciou desde campo propio asinando o 4-1 final.
AD Alcorcón (4): Estela; Aída de Miguel, Clau López, Peque e Vane Sotelo (quinteto inicial). Tamén xogaron, Laura, Guti, Tania Benito, Alba, Moldes e Carmen Alonso.
Marín FS (1): Patri Arruti; Débora, Café, Carolina Pedreira e Ana Cunha (quinteto inicial). Tamén xogaron, María Estevez, Adri, Carolina Bravo, Lysa, Mayara, Inés Mayán e Ana Pinto (segunda porteira).
Los Cantos. Colexiados, Héctor Mayo López e Carlos Panadero Díaz-Concha. Recibiron cartolina amarela Carolina Bravo, Ana Pinto e Mayara no Marín.
Goles: 1-0, min. 3 Vane Sotelo. 2-0, min. 17 Carmen Alonso. 2-1, min. 22 Carolina Bravo. 3-1, min. 19 Aída. 4-1, min. 28 Clau López.
Relacionadas:
-
O Marín Futsal prolonga o seu mal momento con derrota ante o Les Corts (3-6)
Por Almu Dapena & Cristina Saiz |
-
Set en branco do Burela ao Marín Futsal
Por Redacción |
-
Desafíos opostos para Marín Futsal e Poio Pescamar
Por Redacción |
-
Empate contra o FSF Castro dun Marín Futsal que non termina de carburar (3-3)
Por Redacción & Cristina Saiz |
-
Poio Pescamar e Marín Futsal, a recuperarse da eliminación na Copa da Raíña
Por Redacción |
-
Derrota do Marín Futsal fronte o Les Corts para dicir adeus á Copa da Raíña (1-3)
Por Redacción |
-
O Marín Futsal visita o Alcorcón e derbi na Seca entre Poio Pescamar e Ourense Envialia
Por Redacción |
-
O Marín Futsal regala un punto ao Alcantarilla (2-2)
Por Redacción |
-
Burela-Poio e Marín-Les Corts nos oitavos de final da Copa da Raíña
Por Diego Espiño |
-
Derrota do Marín Futsal ante un Torreblanca Melilla moi superior (1-5)
Por Cristina Saiz & Almu Dapena |