Un Cidade de Pontevedra de Taekwondo "cada vez máis internacional"
Por Diego Espiño
O Pavillón Municipal dos Deportes volverá acoller un ano máis, e van 25, o Campionato Internacional Cidade de Pontevedra de Taekwondo organizado polo Club Mace Sport.
Será o vindeiro sábado 4 e domingo 5 de novembro con ata 1.381 deportistas rexistrados, ao que se suman 200 adestradores e 60 árbitros.
"Estamos encantados de que se celebre e de que cada ano sexa máis internacional", explicou na presentación do evento o alcalde, Miguel Anxo Fernández Lores, acompañando ao presidente do Mace Sport, Miguel Cortegoso.
Será en todo caso este ano un reto organizativo, xa que ao non poder usar o festivo do 1 de novembro como ponte "oucampionato medrou moito pero encolleron os días", explica Cortegoso, pasando de catro a dúas xornadas.
É por iso que no pavillón instalaranse máis pistas que nunca ata 13, das que 12 contarán con sinal de televisión.
A actividade dará comezo o sábado a partir das 9.00 horas coas categorías júnior e infantil xunto á modalidade de técnica, continuando desde as 16.00 horas coas probas absolutas, máster e precadete,
Para o domingo pola súa banda, desde as 9.00 horas, disputaranse os comaberes cadetes e tamén o resto de categorías de técnica, poñendo a guinda ao pastel a partir das 15.00 horas o freestyle.
Participarán no Cidade de Pontevedra un total de 102 clubs, algúns deles procedentes de países como Guinea, Alxeria, Bélxica, Perú e Portugal.
Relacionadas:
-
Talento internacional para celebrar as vodas de prata do Cidade de Pontevedra de Taekwondo
Por Redacción & Cristina Saiz |
-
Iván García queda a un segundo do ouro no Drácula Open de Bucarest
Por Redacción |
-
Roi Fraga, medallista de bronce no Europeo Cadete de Taekwondo
Por Redacción |
-
Iván García está de volta: Consegue o ouro no Open de Serbia de Taekwondo
Por Redacción |
-
Sara Cortegoso, adeus en segunda rolda ao Mundial de taekwondo
Por Diego Espiño |