Talento internacional para celebrar as vodas de prata do Cidade de Pontevedra de Taekwondo
Por Redacción & Cristina Saiz
A Boa Vila despediuse este domingo dunha fin de semana no que o taekwondo foi o protagonista coa celebración da 25 edición do Campionato Internacional Cidade de Pontevedra organizado polo Club Mace Sport.
Nel participaron ata 1.381 deportistas de 102 clubs e países como Guinea, Alxeria, Bélxica, Perú, Portugal e, por suposto, España.
A eles, ademais, hai que sumarlle os 200 adestradores e 60 árbitros que acompañaron aos taekwondistas durante a xornada e encheron Pontevedra, e en especial o Pavillón Municipal, dun gran ambiente deportivo.
De feito, para celebrar o cuarto de século do campionato, instalaron un total de 13 pistas, das cales 12 delas contaron con sinal de televisión.
En canto á competición como tal, deu comezo o sábado a partir das 9:00 horas coas categorías júnior e infantil xunto á modalidade técnica. Xa pola tarde, desde as 16:00 horas, tomaron parte os participantes absolutos, máster e precadete.
Xa o domingo, a xornada empezou desde as 9:00 horas con combates cadetes e o resto de categorías de técnica, poñendo o broche de ouro o freestyle a partir das 15:00 horas.
Entre os deportistas que estiveron na competición destacaron a pontevedresa Sara Cortegoso, número un da clasificación nacional en 46-49 quilos; Roi Fraga, bronce no pasado Campionato de Europa cadete; ou os novos talentos do Mace Sport, como son os cadetes Aroa Rodiño, Sabela Barreiro e Nicolás Casas.
Relacionadas:
-
Grandes resultados para o taekwondo pontevedrés no Campionato de España de clubs
Por Redacción |
-
Iván García e Sergio Troitiño levan o ouro no Open de Suecia de taekwondo
Por Redacción |
-
Un Cidade de Pontevedra de Taekwondo "cada vez máis internacional"
Por Diego Espiño |
-
Iván García queda a un segundo do ouro no Drácula Open de Bucarest
Por Redacción |
-
Roi Fraga, medallista de bronce no Europeo Cadete de Taekwondo
Por Redacción |
-
Arlet Ortiz e Iván García, eliminados en primeira rolda do Grand Prix de Taiyuan
Por Almu Dapena |
-
Sara Cortegoso, adeus en segunda rolda ao Mundial de taekwondo
Por Diego Espiño |