Sara Cortegoso, adeus en segunda rolda ao Mundial de taekwondo
Por Diego Espiño
A participación da pontevedresa Sara Cortegoso no Campionato do Mundo Absoluto de Taekwondo chegou ata a segunda rolda do torneo.
A deportista do Mace Sport acudía ao Mundial que se está celebrando en Bakú coa ilusión de facer un bo papel.
"Estou con boas sensacións, adestrando moi moi forte e con alta intensidade", aseguraba á súa chegada a Acerbaixán en declaracións á Federación Galega de Taekwondo.
A súa quenda na categoría de -46 quilos chegaba este venres, cun debut fronte á palestina Qabaha na que Cortegoso venceu en dous asaltos de maneira clara (9-4 / 17-9).
En segunda rolda esperáballe unha dura rival, a kazaka Rita Bakisheva. Neste combate Sara non logrou facer dano á súa competidora e cedeu en dúas mangas (1-10 / 1-9) dicindo adeus ás súas esperanzas no Campionato.
A representación da armada pontevedresa o Bakú pecharaa o vindeiro domingo 4 de xuño Iván García (Mat's de Marín), actual subcampión mundial en +87 quilos.
Relacionadas:
-
Grandes resultados para o taekwondo pontevedrés no Campionato de España de clubs
Por Redacción |
-
Talento internacional para celebrar as vodas de prata do Cidade de Pontevedra de Taekwondo
Por Redacción & Cristina Saiz |
-
Un Cidade de Pontevedra de Taekwondo "cada vez máis internacional"
Por Diego Espiño |
-
Os Xogos Europeos, un reto para o piragüismo e o taekwondo pontevedrés
Por Redacción |
-
Nicolás Casas, do Mace-Sport, ouro no Open de Basauri
Por Redacción |
-
Iván García, sen opcións de podio no Mundial de taekwondo o caer no primeiro combate
Por Almu Dapena |
-
Arlet Ortiz despídese do Mundial de taekwondo en oitavos de final tras caer coa campioa de Europa
Por Redacción |
-
Sergio Troitiño, título nacional sub-21 e billete directo ao Europeo
Por Redacción |
-
Iván García, Arlet Ortiz e Sara Cortegoso dan forma á armada pontevedresa para o mundial de taekwondo
Por Redacción |
-
Ouro e dobrete de prata no Open de España da man de Segio Troitiño, Arlet Ortiz e Sara Cortegoso para o taekwondo pontevedrés
Por Redacción |