Arlet Ortiz despídese do Mundial de taekwondo en oitavos de final tras caer coa campioa de Europa
Por Redacción
O taekwondo pontevedrés mira cara a Bakú, capital de Acerbaixán, onde deu comezo o Campionato do Mundo Absoluto.
A primeira deportista galega en entrar en competición foi a marinense Arlet Ortiz (Mat's) cun digno papel na categoría de -57 quilos a pesar de despedirse nos oitavos de final do torneo.
Só a campioa europea, a turca Ilgun, e nun apretadísimo combate, puido apear a Arlet na terceira rolda. Antes a deportista do Mat's vencera en dous asaltos á afgá Marzieh Hamidi e á australiana Stacey Hymer.
Xa en oitavos de final era a quenda para un óso duro, a turca Hatice Kubra Ilgun, medallista olímpica de bronce en Tokyo. Despois de perder o primeiro asalto e ir por detrás no segundo (1-5) a marinense iniciou unha remontada que lle levou a forzar o terceiro e definitivo asalto, que finalizaría en empate (5-5) decidíndose a gañadora do combate por rexistros en favor da turca.
Despois de Arlet Ortiz, o vindeiro venres será a quenda no Campionato do Mundo para a pontevedresa Sara Cortegoso (Mace Sport) na categoría de -46 quilos. "Estou con boas sensacións, adestrando moi moi forte e con alta intensidade, así que sinto que estou preparada", afirma Cortegoso en declaracións á Federación Galega de Taekwondo.
Pola súa banda Iván García (Mat's de Marín), actual subcampión mundial, pechará o campionato o vindeiro domingo 4 de xuño na categoría de +87 quilos. Iván chega á cita despois dunha operación de xeonllo e sen ningún test previo. "O xeonllo está a responder moi ben, pero fáltame alcanzar a forma física ao cento por cento, e iso non será posible. Tratarei de ser o máis solvente e eficaz posible, xestionar ben os combates para sacar bos resultados, pero un obxectivo claro non teño", recoñece.
A representación galega en Bakú complétana Alma Pérez (Suh Sport) e Tania Castiñeira (Hebe).
Relacionadas:
-
Grandes resultados para o taekwondo pontevedrés no Campionato de España de clubs
Por Redacción |
-
A marinense Silvia Otero contribúe cunha prata ao segundo posto de Galicia no nacional júnior de taekwondo
Por Redacción |
-
Arlet Ortiz cae na pelexa polo bronce dos Xogos Europeos
Por Almu Dapena |
-
Os Xogos Europeos, un reto para o piragüismo e o taekwondo pontevedrés
Por Redacción |
-
Nicolás Casas, do Mace-Sport, ouro no Open de Basauri
Por Redacción |
-
Iván García, sen opcións de podio no Mundial de taekwondo o caer no primeiro combate
Por Almu Dapena |
-
Sara Cortegoso, adeus en segunda rolda ao Mundial de taekwondo
Por Diego Espiño |
-
Sergio Troitiño, título nacional sub-21 e billete directo ao Europeo
Por Redacción |
-
Iván García, Arlet Ortiz e Sara Cortegoso dan forma á armada pontevedresa para o mundial de taekwondo
Por Redacción |
-
Ouro e dobrete de prata no Open de España da man de Segio Troitiño, Arlet Ortiz e Sara Cortegoso para o taekwondo pontevedrés
Por Redacción |
-
O taekwondista Iván García recibe o apoio da Xunta na súa carreira cara a París 2024
Por Redacción |
-
Iván García e o seu club, o Mat's de Marín, premiados pola federación nacional de taekwondo
Por Redacción |