Un novo céspede artificial en Chan da Barcia cunha "drenaxe especial" para soportar futuras crecidas do Verdugo
Por Diego Espiño
Sen tempo que perder, o Concello de Ponte Caldelas iniciou o procedemento para sacar a licitación a reparación do campo de fútbol de Chan da Barcia, esnaquizado a fin de semana polo desbordamento do río Verdugo.
Esa actuación supoñerá a instalación dun novo céspede artificial, tras comprobar este luns cunha empresa especializada desprazada desde Valencia que a herba danada no temporal non se pode estirar "porque rompe", confirmou o alcalde do municipio, Andrés Díaz.
O rexedor avanzou que a intención é instalar un novo tapete "cunha drenaxe especial para tratar de soportar futuras crecidas", porque "somos realistas e temos claro que haberá máis".
As obras, sinalou Díaz, serán afrontadas canto antes a través dunha operación de crédito con fondos propios do Concello.
Así llo explicou nunha reunión aos representantes da SCD Ponte Caldelas, club que xestiona a escola municipal de fútbol, que en 2024 cumprirá 50 anos de vida e para o que o alcalde pediu a colaboración dos veciños e empresas co obxectivo de axudar a mantelo vivo nun momento de máxima dificultade, ao multiplicarse os seus gastos co desprazamento de todos os seus equipos.
"É historia vivia de Ponte Caldelas e agora, máis que nunca, necesitra da nosa axuda", afirmou o alcalde avanzando que nos próximos días darase a coñecer unha acción de micromecenado para colaborar economicamente coa entidade deportiva.
Relacionadas:
-
Augas de Galicia autoriza a reconstrución do campo de Chan da Barcia
Por Redacción |
-
Renovar o campo de Chan de Barcia custará máis de 300.000 euros
Por Redacción |
-
SOS da SCD Ponte Caldelas: "Necesitamos da vosa axuda para poder seguir adiante"
Por Diego Espiño |
-
Tras o desastre, solidariedade: A Lama cede "por tempo indefinido" as súas instalacións á SCD Ponte Caldelas
Por Diego Espiño |
-
Ponte Caldelas pide axuda a Xunta e Deputación para afrontar os danos do temporal: "Sinto rabia e impotencia"
Por Diego Espiño |
-
O PP pide que se declare a Ponte Caldelas "zona catastrófica" tras o desbordamento do Verdugo
Por Redacción |
-
VÍDEO.- O temporal esnaquiza o campo de fútbol de Chan da Barcia: "É un desastre"
Por Diego Espiño |