O convento de Santa Clara pecha as portas e ábrese a opción dun gran parque xunto a Barcelos
Por Redacción
En setembro, o convento de clausura de Santa Clara pechaba as súas portas. A Orde de Santa Clara decidía trasladar a Santiago de Compostela ás tres monxas que residían no recinto. A avanzada idade de dúas delas levou á congregación relixiosa a tomar esta decisión. Un feito histórico, xa que o convento permanecía aberto desde o século XIII.
Este templo estaba unido á tradición das parellas que, antes de casar, doaban ovos para garantir bo tempo o día da voda. As monxas na súa marcha tamén levaron os obxectos de máis valor que se atopaban no recinto, que só mantén actividade no baixo dedicado á misión diocesana, xestionado polo Arcebispado de Santiago.
Estas instalacións contan cunha horta de 12.000 metros cadrados lindeira coa praza de Barcelos e o Concello de Pontevedra entende que ese espazo debe ser aproveitado pola cidadanía.
Por este motivo, o alcalde Miguel Anxo Fernández Lores manifestou a súa intención de establecer un convenio coa orde relixiosa. O primeiro contacto con Sor Consuelo, a nai abadesas das clarisas en Santiago, xa se produciu a principios de decembro e está previsto un segundo encontro, tamén na capital galega, a mediados do mes de xaneiro de 2018.
A ese encontro acudirá a nai presidenta da Federación Bética das Irmás Pobres de Santa Clara, Sor María del Rosario Sánchez Muñoz, que é quen tratará co alcalde pontevedrés as posibilidades que se estudan para este amplo espazo situado no centro da cidade.
Relacionadas:
-
Se quedaches na lista de agarda para visitar Santa Clara, non perdas esta viaxe virtual
Por Mónica Patxot & María José Pita |
-
O alcalde interésase por conectar os xardíns de Santa Clara con Barcelos pero afirma que o acordo coas clarisas "vai lento"
Por Mónica Patxot & María José Pita |
-
Marea Pontevedra insiste en abrir ao público a horta e os xardíns do convento de Santa Clara
Por Redacción |
-
O futuro de Santa Clara decidirase a mediados de xaneiro
Por Alejandro Espiño |
-
Os pontevedreses, partidarios de crear un gran parque público no convento de Santa Clara
Por Redacción |
-
O Concello, aberto a negociar para recuperar "para toda a cidade" o convento de Santa Clara
Por Alejandro Espiño |
-
Pecha o convento de clausura de Santa Clara
Por Redacción | Creada e actualizada