"Lourizán merece unha compensación histórica", asegura Goyo Revenga
Por Redacción
Cidadáns Pontevedra expuxo as medidas que inclúe o seu programa para a parroquia de Lourizán.
Segundo asegura Goyo Revenga, esta parroquia "merece unha compensación histórica tras ser a máis castigada e abandonada polos gobernos municipais".
O cabeza de lista da formación laranxa comprométese a acometer a mellora da contorna urbanística, o que na práctica incluiría "o soterramento do cableado e a rede de fibra óptica".
Ademais Revenga fala de habilitar un parque infantil adaptado á diversidade funcional motora e cognitiva "que terá limpeza diaria", así como un parque biosaudable para adultos, un parque canino e unha fonte adaptada.
Doutra banda, Cidadáns tamén prevé "un cordón verde natural contraincendios ao redor das vivendas" e a reclamación á Xunta para recuperar o Pazo de Lourizán.
En canto á ampliación da depuradora, Goyo Revenga insistiu en que a solución non se atopa na ampliación e si en "poñer a tecnoloxía que fai falta".
Do mesmo xeito que noutras parroquias pontevedresas, a lista de propostas para Lourizán complétase coa rebaixa do IBI, a creación dunha oficina municipal itinerante que permita realizar trámites administrativos desde esta zona e a realización dunha auditoría sobre a iluminación ou rede de sumidoiros "para acometer as melloras que sexan necesarias".
Relacionadas:
-
Cidadáns pecha a campaña pedindo unha Pontevedra na que ninguén "teña que marchar por falta de oportunidades"
Por Redacción |
-
Cidadáns propón unir os aparcamentos disuasorios con lanzadeiras gratuítas ao centro
Por Redacción |
-
María Rey pídelle ao PP "que deje el pico y coja la pala" para que Monte Porreiro non quede sen pediatra
Por Diego Espiño |
-
Reducir a viñeta de circulación e conxelar o IBI, entre as propostas fiscais de Cidadáns Pontevedra
Por Redacción |
-
Ciudadanos propón o uso da praza de touros para actividades escénicas e un Festival de Música Celta
Por Redacción |