Marea Pontevedra propón solicitar axudas para rehabilitar 125 casas da Moureira e os espazos públicos
![Anxo](/web/cache/scene/uploads/xornalistas/foto/022/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/6683d39821-a.jpg)
Por Anxo Lourido
![](/web/cache/scene/uploads/fotos/foto/9f3/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/5ce68e3e4c-tere-casal-peque-02.jpg)
© PontevedraViva
![](/web/cache/scene/uploads/fotos/foto/82a/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/5ce68e91a1-tere-casal-peque-03.jpg)
© PontevedraViva
As números 2 e 4 da candidatura de Marea Pontevedra, Teresa Casal e Peque González achegábanse este xoves ao barrio da Moureira para anunciar que a súa agrupación política contempla a solicitude das axudas das Áreas de Rexeneración e Renovación Urbana (ARRU) para esta zona histórica da cidade.
Tere Casal explicaba que esta contorna do Campo da Torre é o berce de Pontevedra e o punto de actividade económica na época medieval da cidade. Agora, indicaba, é necesario unha reforma de toda esta zona que foi "desfeita" durante a década dos 70 coa construción de edificios.
A número 2 da lista de Marea Pontevedra considera "de xustiza" recuperar esta contorna ao entender que se necesita devolver a calidade dos lugares históricos de Pontevedra. Co ARRU, Tere Casal cre que se rehabilitarían vivendas e poderíanse mellorar os espazos públicos, grazas á colaboración entre Concello, Xunta de Galicia e o goberno do Estado. A representante de Marea Pontevedra engadía que sería igual que cando se reformou o centro histórico ou o barrio de Estribela.
Peque González manifestaba que o barrio dos Mareantes non pode ser o cuarto traseiro da cidade e que é necesario mirar á historia de Pontevedra para ter futuro.
Denunciaba o abandono de residentes neste barrio e o peche de negocios durante os últimos 20 anos debido ao abandono en que o goberno do BNG mantivo a toda esta zona na que actualmente viven 3.800 persoas en 2.000 vivendas.
Segundo as estimacións que realiza a agrupación que encabeza Luís Rei, cun ARRU rehabilitaríanse 125 vivendas a través de axudas con mellora dos espazos públicos, actualmente abandonados.
Relacionadas:
-
Marea Pontevedra defende que o Centro de Saúde de Monte Porreiro manteña o servizo de pediatría
Por Redacción |
-
Marea Pontevedra preséntase no acto central de campaña como a única alternativa para un cambio político
Por Redacción |
-
Marea Pontevedra insiste en Cerponzóns en paralizar as obras da A-57 e rescatar a AP-9
Por Redacción |
-
Marea Pontevedra aposta por abrir unha nova rúa peonil entre Eduardo Pondal e a Avenida de Vigo
Por Redacción |
-
Marea Pontevedra promete a recuperación de Lourizán co soterramento das vías e a marcha de Ence da ría
Por Redacción |