Kristian Blummenfelt, campión olímpico de tríatlon: "Estou sorprendido do deportiva que é esta cidade"
Por Diego Espiño
Kristian Blummenfelt é unha das grandes referencias do tríatlon mundial. Non en balde é o actual campión olímpico, pero tamén conta no seu palmarés co título mundial de 2021 e foi campión do mundo Ironman (2021) e Ironman (70.3), case nada.
Por iso a súa presenza en Pontevedra, onde se prepara xa desde hai días para participar na Gran Final das Series Mundiais, non pasou desapercibida, e por iso a súa é unha opinión autorizada. Pero, que lle está parecendo Pontevedra?
Polo de súpeto "estou sorprendido do deportiva que é esta cidade", asegura, e é que "vas polo río e ves á xente correr todo o tempo, a xente na estrada ten moito respecto polos ciclistas, a verdade é que me gusta".
"Espero moita xente nas rúas, especialmente no circuíto a pé. Recordo en 2011 e estaba cheo, foi fantástico"
Blummenfelt destaca a "gran benvida" que lle deron os adestradores do Centro Galego de Tecnificación Deportiva, Carlos David Prieto e Omar González, ademais dos triatletas locais cos que compartiu sesións de preparación. "Foron días adestrando duro e unha semana moi agradable", recoñece.
Unha estancia que lle fixo recodar a súa participación hai anos nunha das probas internacionais organizadas na Boa Vila. "Estiven en 2011 como júnior no Campionato de Europa, finalicei noveno naquela carreira, son bos recordos", rememora.
Con aquela proba na cabeza, o noruegués ten claro o que espera de Pontevedra na Gran Final. "Espero moita xente nas rúas, especialmente no circuíto a pé. Recordo en 2011 e estaba cheo, foi fantástico", sinala.
El estará de novo nunha lista de saída nas Rías Baixas, e farao esperando "estar a loitar polo podio ou pola vitoria. Espero ter un bo día e unha boa experiencia", aínda que o seu obxectivo tras o seu paso pola longa distancia é outro, o de "volver ser competitivo e pelexar polo ouro olímpico en París. Verémolo en 10 meses".
Relacionadas:
-
As acrobacias de Pablo Méndez e a música de Celme adornan a inauguración das Series Mundiais
Por Redacción & Mónica Patxot |
-
Chegou o día! Pontevedra vive con "orgullo colectivo" o inicio da Gran Final das Series Mundiais
Por Diego Espiño & Mónica Patxot |
-
World Triathlon concede a medalla de prata en sustentabilidade á Gran Final de Pontevedra
Por Redacción |
-
Cinco galegos nunha armada española que afronta sen complexos a Gran Final: "É como correr no patio da casa"
Por Diego Espiño & Mónica Patxot |
-
Natalia Castro, a gran esperanza local na Gran Final: "Sairei a gozar e o resultado virá por si só"
Por Diego Espiño & Mónica Patxot |
-
Iván Raña, de Pontevedra ao Salón da Fama do tríatlon mundial
Por Diego Espiño & Mónica Patxot |
-
A praia de Silgar, un pouco máis limpa grazas ao tríatlon
Por Redacción |
-
A apertura da Expo e 'Fan Zone' en Montero Ríos, aperitivo ao comezo da Gran Final
Por Diego Espiño & Mónica Patxot |
-
Correndo por Pontevedra con dous mitos do tríatlon mundial
Por Diego Espiño & Mónica Patxot |
-
Primeira toma de contacto dos deportistas co circuíto das Series Mundiais
Por Diego Espiño & Mónica Patxot |
-
Pablo Dapena, ansioso por vivir a Gran Final na casa: "Non vou competir, pero se me erizan os pelos"
Por Diego Espiño & Mónica Patxot |
-
José Hidalgo: "Vai ser a proba de todo o ciclo olímpico de máis nivel deportivo, máis que os propios Xogos"
Por Diego Espiño |
-
Os circuítos da Gran Final, analizados por Javi Gómez Noya: "A carreira a pé creo que é espectacular"
Por Diego Espiño & Mónica Patxot |
-
Cristian Fernández: "Que a Gran Final sexa aquí é como para un futbolista que a final da Champions sexa na súa cidade"
Por Almu Dapena & Mónica Patxot |
-
O noruegués Blummenfelt non pode con Marcos Vila, o gañador da I Travesía a Nado Río Lérez
Por Redacción & Mónica Patxot |
-
Dous campións olímpicos de tríatlon apúntanse á I Travesía a Nado Río Lérez
Por Diego Espiño |
-
Non falta nin un: Unha lista de saída elite coa flor e nata do tríatlon olímpico actual
Por Almu Dapena |