A curtametraxe galega "Einstein-Rosen" recibiu o premio Áncora de Ouro á mellor curtametraxe no Curtas Armadiña 2017.
A curtametraxe, rodada no Barrio das Flores da Coruña e dirixida por Olga Osorio -foi gravada cun equipo cento por cento galego-, recibiu este domingo o principal galardón do festival poiense, no que competían unha trintena de traballos nas diversas seccións, que este ano contaron por primeira vez cun xurado feminino.
"Einstein-Rosen" ambiéntase no ano 1982 e conta a historia de dous irmáns, o máis pequeno dos cales asegura atopar un buraco de verme.
A curtametraxe alzouse co premio principal do festival, no que tamén se concederon estoutros galardóns:
- ÁNCORA DE PRATA - PREMIO DO PÚBLICO
- Como yo te amo. Dirixida por Fernando García-Ruiz
- ÁNCORA MELLOR CURTAMETRAXE DE ANIMACIÓN:
- Contact. Dirixida por Alessandro Novelli
- ÁNCORA A MELLOR CURTAMETRAXE MEDIOAMBIENTAL:
- El hombre de agua dulce. Dirixida por Álvaro Ron
- ÁNCORA A MELLOR VIDEOCLIP EN GALEGO
- "Non é verán de Estrella Damm" - Ezetaerre. Dirixa por Alicia Alonso García
- PREMIO CURTAS ARMADIÑA 2017
- Nerea Barros.