O ciclo de teatro infantil e familiar Domingos do Principal estreou este domingo 11 de xaneiro a súa décimo sexta edición.
Fíxoo cunha dobre sesión da obra A Volta ao Mundo a cargo da compañía vasca Gorakada Teatro e unha notable asistencia de público, tanto ás 12:00 coma ás 18:30 horas.
Trátase dun espectáculo de teatro de actor e monicreques baseado na novela de Xulio Verne 'A Volta ao Mundo en 80 días" que recibiu no ano 2013 os recoñecementos de mellor dirección, interpretación masculina, mellor adaptación teatral e mellor espazo escénico nos premios FETEN.
Domingos do Principal terá a súa segunda cita o día 18 de xaneiro coa representación Malasomba de Au Ments Dansa-Teatre.