ÿ oficial, a pista olímpica de piragüismo situada no encoro de Pontillón do Castro, en Verducido, levará o nome de David Cal.
Así o confirmou o presidente da Xunta de Galicia, institución titular das instalacións a través da Secretaría Xeral para o Deporte, na entrega dos Premios Deporte Galego celebrada este xoves 9 de abril no Auditorio de Vilagarcía, recollendo a petición orixinada nas redes sociais e formalizada pola Federación Galega de Piragüismo.
O máximo medallista olímpico español da historia recibiu na gala unha merecida homenaxe tras anuciar a súa retirada da competición.
Alberto Núñez Feijóo foi o primeiro en tomar a palabra no acto para agradecer a David Cal "levar o piragüismo ás portadas", pero sobre todo "pasear orgulloso os nomes de Cangas e Galicia por todo o mundo" sendo "un exemplo para todos, especialmente para os máis novos", sinalou o presidente autonómico.
Os Premios Deporte Galego distinguiron nas súas 17 categorías aos deportistas, persoas ou organizacións que máis fixeron polo deporte en Galicia durante o ano 2014, sendo o grande ausente Javier Gómez Noya ao encontrarse en Australia para participar na terceira proba das Series Mundiais de Tríatlon.
Os galardoados nesta edición foron:
- Mellor deportista masculino: Javier Gómez Noya (tríatlon).
- Mellor deportista feminina: Vanesa Sotelo (fútbol sala).
- Mellor deportista masculino con discapacidade: Alejandro Vidal (parataekwondo).
- Mellor deportista feminina con discapacidade: Susana Rodríguez (paratríatlon).
- Mellor equipo masculino: Carlos Paz e Antón Paz (vela).
- Mellor equipo feminino: Alejandra Suárez e Helena Pérez (vela).
- Mellor equipo con deportistas con discapacidade: Club Baloncesto AMFIV (baloncesto en cadeira).
- Mellor entidade na promoción do deporte base: Club Carmelitas Vedruna.
- Mellor adestrador: Ferenc Szabo (halterofilia).
- Mellor árbitro: Alberto Rodríguez (balonmán).
- Mellor evento deportivo: O Marisquiño.
- Mellor labor informativo: Javier Ferreiro.
- Deportista revelación: Ex aequo, Andrea Ferreiro (hóckey) e Jaime de Haz (remo).
- Patrocinio deportivo: Conservas Frinsa.
- Premios 'Galicia Saudable': Circuíto Ribeira Sacra (carreiras populares), Fundación Maria José Jove e CEIP Virxe da Pena da Sela do Irixo.