O Cisne fai oficial a marcha do extremo Ángel Iglesias, que non defenderá a camiseta branca o próximo curso no regreso dos pontevedreses á División de Honra Prata.
Cunha mensaxe en redes sociais, o club despediuse dun xogador que chegou ao Cisne no ecuador da pasada campaña procedente do Teucro co obxectivo de contribuír á loita por unha permanencia en Asobal que finalmente non puideron lograr.
"Agradecemos o seu compromiso cara ao noso Club e desexámoslle a mellor das sortes para o futuro.Grazas Anxo e xa sabes que aquí tes unha casa!", compartiron en Twitter.