O Campionato de Europa de Salvamento que se está celebrando estes días en Castellón ten en Antía García a unha das súas figuras.
A deportista caldense do Club Acuático Umia puxo este mércores un broche de ouro á súa actuación individual cunha medalla de ouro na proba de 100 metros remolque maniquí con aletas, na que ademais estableceu un novo récord de España cun tempo de 51.34.
A tamén campioa mundial suma así un novo título ao seu xa gran palmarés, na que era o seu terceiro podio no Europeo.
Previamente Antía conseguira a medalla de prata na proba de 100 metros socorrista e tamén un bronce nos 50 metros remolque de maniquí. Nesta última distancia bateu ademais por dúas veces o récord nacional establecendo a nova marca en 34.23 segundos.
Grandes resultados para a capitá do Club Acuático Umia na que supne a primeira gran competición internacional de salvamento trala pandemia.