O Concello de Pontevedra foi escenario esta semana dunha reunión que serviu para avanzar na organización dun novo evento deportivo na cidade, dentro da programación anual. O Campionato de España Junior e Escolar de Loitas Olímpicas.
A competición celebrarase na cidade de Lérez os días 1 e 2 de abril, estando prevista a participación de medio milleiro de deportistas e clubs de 18 cidades de todo o Estado.
Á reunión acudiron ademais da concelleira de Deportes, Anxos Riveiro, representantes das federacións galega e española de loitas olímpicas e tamén do Club de Loita Pontevedra.
Os detalles organizativos, do mesmo xeito que as actividades que completarán a programación do campionato quedarán definidos nunha próxima reunión á que os asistentes quedaron emprazados nas próximas semanas.