O Club Cisne Balonmán dá un novo paso na confección do seu plantel para a tempada 2026-2027.
A entidade pontevedresa confirmou este xoves a renovación dun dos talentos forxados na súa canteira como Diego López.
"Un extremo da casa para seguir crecendo xuntos", afirma o Cisne.
Trátase dun xogador, destaca o club, da "xeración do 2023 que fixo historia" e que pasou "da canteira ao primeiro equipo".
𝐃𝐢𝐞𝐠𝐨 𝐋𝐨́𝐩𝐞𝐳 𝐚𝐭𝐚 𝟐𝟎𝟐𝟕
— Club Cisne Balonmano (@ClubCisneBalonm) June 11, 2026
Da xeración do 2003 que fixo historia.
Da canteira ao primeiro equipo.
Diego López seguirá no Cisne ata 2027.
Un extremo da casa para seguir medrando xuntos.#XuntosAtaVoltar pic.twitter.com/hFusOcoa2R
O certo é que o extremo foi un xogador moi utilizado a última campaña polo seu adestrador Quiños, participando en 30 partidos de liga na División de Honra Prata con máis de dous goles de media por encontro.
Coa súa renovación o plantel do Cisne queda xa perfilada aínda que non pechada por completo.
Polo momento son 15 os xogadores confirmados no seu novo proxecto deportivo, dos que nove son renovacións: o propio Diego López xunto a Martín Santos, Roney Franzini, Alberto Delgado, Manu Lorenzo, Abián Rodríguez, Iago Costas, Dani Virulegio e Bruno Landim.
A eles súmanselles Yago López que contaba con contrato en vigor, o recuperado tras cesión Manu Hernández e os fichados Juan Saco, Carlos Gómez, Luisma de Goya e Tomás Moreira.