A primeira gran cita internacional da tempada non puido resultar máis positiva para Lydia Pérez Touriño.
A deportista do Club Loita Pontevedra conseguiu dúas medallas de ouro no Campionato do Mediterráneo de Loitas Olímpicas, celebrado a pasada fin de semana na sede madrileña do Consello Superior de Deportes.
Lydia, que participou na competición dentro do equipo nacional, proclamouse campioa na categoría junior (59 quilos) e na senior (58 quilos), no que supón un paso máis na súa proxección internacional.
No Campionato do Mediterráneo participaron máis de 250 deportistas de 15 países, sendo Galicia unha das comunidades máis representadas na Selección Española, como demostra que seis dos deportistas convocados adestran no Centro Galego de Tecnificación Deportiva de Pontevedra.