Comezaron moi ben as cousas para Fernando Echávarri e Tara Pacheco na segunda proba da Copa do Mundo de Vela, que se disputa estes días na localidade francesa de Hyères.
O regatista pontevedrés e a súa compañeira no Nacra 17 ocupan a segunda posición na clasificación xeral da súa categoría despois de dúas xornadas de competición, a só catro puntos dos líderes, os franceses Moana Vaireaux e Manon Audinet.
No primeiro día a tripulación española finalizou terceiro tras conseguir dous podios parciais (terceiros postos) e unha quinta posición.
Ese último resultado converteuse no seu descarte despois da segunda xornada, e é que sen apenas vento Echávarri e Pacheco mostraron estar en plena forma logrando unha vitoria parcial e dous cuartos postos para ascender un posto na xeral despois de seis regatas disputadas.
A competición na Copa do Mundo de Hyères prolongarase ata o vindeiro domingo 30 de abril.