Desagradable sorpresa a que se levou o Marcón Atlético.
A entidade deportiva denunciou o roubo sufrido nas súas instalacións do Carrasco, e que causaron importantes danos.
Todo ocorreu, explican nun comunicado, durante a madrugada do pasado luns 12 de maio.
Os ladróns "romperon catro portas e conseguiron entrar na cantina, causando numerosos danos", explica o Marcón.
"Levaron atados de leite, auga, refrescos, cervexas e todo tipo de gominolas", engaden, aínda que o máis frustrante foi destrución que ocasionaron ao seu paso.
O Marcón corirma que tramitou a correspondente denuncia e que "o procedimento en mans da policía".
Aínda que serán as autoridades as que tentarán esclarecer o ocorrido e dar cos responsables, desde o club de fútbol piden colaboración "e se de casualidade atopades algunha pista que nos poida axudar, estariamos agradecidos", conclúen.