O ascenso a Segunda B está a un paso, e para celebrar a cita tan importante, os xogadores do Arosa lucirán camisetas novas con dorsal fixo e o nome correspondente de cada un durante os partidos de play-off.
Os xogadores que disputarán o ascenso cos seus respectivos dorsais serán: Manu Táboas (1), Adrián (2), Cotilla (3), Iago Mtnz (4), Pacheco (5), Suso M. (6), Javi Otero (7), M. Rodríguez (8), Beda (9), Julio Rey (10), Jorge Sáez (11), M. Diestre (13), A. Trapero (14), R. Mariñán (17), Sidi (18), Mon Glez (20), Rober (21), J. Fontán (22), Pedro García (23), J. Sanabria (24), Sergio Catú (25) e os xuvenís Antón Durán e Pablo Rial.
Ademais, estas camisetas poderanse adquirir desde o 1 de xuño ata o 10 de xuño contactando directamente co club.
Pola súa banda, os de Rafa Sáez retomarán os adestramentos grupais a partir do 15 de xuño na Lomba, e agardan coñecer a sede na que disputará os partidos de play-off o vindeiro luns durante a reunión que terán os 4 equipos co presidente da Real Federación Galega de Fútbol, Rafael Louzán.
Desta maneira, o Arosa irase mentalizando para a fase de ascenso que terá o seu primeiro partido, se a pandemia permíteo, o 18 ou 19 de xullo ante o Ourense CF e cuxa final se xogará o 25 de xullo ante o vencedor do Compostela-Barco.