Esgotado o mandato iniciado en 2019, o Club Baloncesto Arxil inicia o proceso para convocar eleccións á presidencia da entidade.
O club pontevedrés ten previsto iniciar o proceso nunha asemblea de socios extraordinaria convocada o príximo luns 27 de novembro (20.15 horas en primeira convocatoria) no Centro Galego de Tecnificación Deportiva.
A última vez que se abriu o proceso presentouse unha única candidatura, a da actual presidenta Milagros Sanmartín.
Antes da reunión extraordinaria está previsto tamén celebrar unha asemblea de socios ordinaria na que se presentará un informa económico do club, presentarase para a súa aprobación do orzamento da tempada 23-24 e tamén se dará conta dun informe deportivo sobre o estado da entidade.
A reunión ordinaria fixouse o mesmo 27 de novembro ás 19.00 horas.