Un mal inicio de partido lastrou as opcións do Peixe Galego na visita ao pavillón da Raña do Barcelona B (67-79).
O filial azulgrana arroiou aos marinenses no primeiro cuarto (14-27), e despois controlou con acerto a súa vantaxe ante un cadro marinense que só foi mellor no último parcial, cando xa era tarde, e que suma a súa terceira derrota consecutiva na Liga LEB Ouro.
O dominio na zona dun veterano como Jordi Trias (12 puntos e 14 rebotes) e o acerto anotador de Aleix Font, complicaron desde o inicio dos de Javi Llorente, que tras o primeiro parcial igualaron o xogo pero que non conseguían recortar distancias.
Ao descanso chegouse cun claro 33-49, e a renda visitante ampliouse lixeiramente no terceiro cuarto (49-67) antes da melloría Peixe no último parcial para maquillar o resultado.
O esforzo e acerto anotador de Jason Cain (20 puntos) e Derksen (17) non foi esta vez suficiente ante o mal día do resto dos seus compañeiros, que non chegaron en ningún caso máiss á decena de puntos.
Con este resultado o Marín Peixe Galego cae á décimo cuarta praza da clasificación cun balance de dous triunfos e catro derrotas.