O Club Cisne Balonmán confirmou este venres unha nova incorporación coa que pretende reforzar o plantel que competirá a próxima campaña na Liga Asobal.
Trátase do lateral esquerdo portugués Gabriel Cavalcanti, que chega a Pontevedra en calidade de cedido.
O internacional luso, de 18 anos de idade, renovou o seu contrato co seu club de orixe, o Benfica, ata 2026 antes de pecharse o seu préstamo ao Cisne.
"Farei o mellor que poida e axudarei o que me sexa posible para conseguir os obxectivos", sinalou Cavalcanti tras facerse oficial a súa fichaxe.
Ademais nas canles oficiais do Benfica recoñeceu que "a Liga Asobal ten grandes equipos e vai ser moi bo para min. Estou confiado e confiado".