O Club Bádminton Ravachol xa coñece o calendario da súa próxima campaña en División de Honra. A categoría dividirase neste curso en dous grupos e o campión decidirase nun playoff.
O conxunto pontevedrés quedou encadrado en grupo A xunto ao vixente campión, o CB Oviedo; CB IES A Orde de Huelva, CB Benalmádena e CB Arjonilla de Xaén. A liga empezará para o Ravachol o 25 de setembro como visitante en Huelva, mentres que a súa estrea como local está previsto para o 6 de novembro nun duelo contra os malagueños do Benalmádena.
"O calendario sorriunos en canto ao económico, xa que nos evitamos a viaxe a Eivissa, e temos ao Oviedo que é o único equipo próximo xeograficamente. No deportivo, a falta de coñecer os persoais dos demais equipos, caemos nun grupo especialmente duro, pero estamos a traballar en pechar un bo persoal que poida competir e aspirar a manter a categoría un ano máis" explicou o director deportivo do club, Jesús Pereiro.