Segunda derrota da pretemporada para o Condes de Albarei Teucro, que segue en fase de adaptación coa vista posta no seu regreso á Liga Asobal.
Os azuis cederon este mércores na cancha do ABC Braga portugués (32-25) nun partido que se decantou na segunda metade e que serviu a Quique Domínguez para seguir ultimando detalles nos esquemas do equipo.
Ata agora o Teucro sumou un triunfo ante o Xico Andebol (39-25) e outra derrota ante o Aguas Santas (26-27).
Tras esta cita o Condes de Albarei prepara xa o que será, previsiblemente, o único encontro amigable do verán no Pavillón Municipal dos Deportes como presentación ante a súa afección, o vindeiro sábado 19 de agosto ante o propio ABC Braga, campión da Taça de Portugal.