Por segundo ano consecutivo Jean Marie Okutu proclamouse campión de España de salto de lonxitude en pista cuberta.
En Antequera o atleta marinense logrou a súa mellor marca persoal baixo teito con 7.96 metros no seu quinto intento, o que supón a súa clasificación directa para o Campionato de Europa que se celebrará do 6 ao 8 de marzo na capital checa, Praga.
Okutu aproveitou a baixa do seu principal rival, Eusebio Cáceres, para impoñerse con autoridade co que é ademais o oitavo mellor salto nacional de todos os tempos en pista cuberta.
Completaron o podio de lonxitude Rodrigo de la Oliva con 7.66 metros e Sergio Rípodas con 7.49.