Segunda e última xornada de competición na terceira edición da Pontevedra 4 Picos Bike & Trail.
Un cento de deportistas tomaron a saída este domingo nas probas de carreira de montaña ou trail, nas súas diferentes modalidades.
Os primeiros en tomar a saída, ás 7:30 horas da mañá, foron a vintena de inscritos na proba máis dura de todas, o ultratail de 55 quilómetros de percorrido.
Máis tarde, ás 10:00 horas, partiron o resto de participantes nos trail de 17 e 33 quilómetros respectivamente.
Todo un broche a unha edición da Pontevedra 4 Picos que, cunha fin de semana de bo tempo, resultou máis vistosa que nunca.
Os resultados e tempos completos poden consultarse na web www.magmasports.es.