O regreso de Luci ao cadro conserveiro non é o único reencontro que nos deixa este mercado de fichaxes, pois Laura Uña tamén regresa ao Poio Pescamar, club no que militou durante tres tempadas.
Faio despois dunha etapa dun ano no Melilla Torreblanca, un breve período de tempo que lle valeu para alzarse campioa da Copa da Raíña e a Supercopa de España ademais de terminar o campionato regular en primeira posición e ser subcampioa no play-off polo título de liga.
A pivot cántabra, que tivo un destacado papel no conxunto melillense tras anotar 20 tantos na pasada campaña, regresa a un conxunto poiense no que deixou unha enorme pegada na súa primeira etapa.
Fíxoo converténdose nunha das poucas xogadoras que superaron os cen partidos coa camiseta vermella, anotando 68 goles nos seus 110 encontros disputados, levantando unha Copa Galicia e proclamándose subcampioa da Supercopa de España.
Ademais, na súa segunda tempada como xogadora do Poio Pescamar, Laura Uña debutou coa Selección Española.
A súa fichaxe chega pouco despois da renovación de Èlia Gullí, que continuará coa recuperación da súa grave lesión de xeonllo no cadro conserveiro tras asinar por dúas tempadas máis.
Laura convértese na terceira fichaxe da tempada tras as xa coñecidas incorporacións da madrileña Laura Sánchez e de Lucía Gómez 'Luci',
O equipo de Luís López-Tulla para a próxima tempada en Primeira División colle forma, pois o técnico madrileño xa conta con doce xogadoras en plantel.
Engade Pontevedra Viva como fonte preferida de Google de balde
Mantente informado coas últimas noticias de actualidade.