Os campos municipais da Seca, en Poio, volverán converterse, polo menos por un día, no centro do rugby galego.
Do mesmo xeito que en 2024, alí celebrarase a Concentración de Escolas de Rugby de Galicia.
Trátase dun evento que reunirá, estiman, máis de 300 deportistas de entre 4 e 12 anos, nunha xornada de convivencia e deporte.
Organizada polo Pontevedra Rugby Club co apoio do Concello de Poio, contará coa participación de escolas deportivas de todo Galicia.
Partidos, xogos ou actividades formativas buscarán formentar o compañeirismo e respecto propio do deporte do balón oval.
Todo dunha maneira non competitiva, xa que non haberá marcadores.
A Concentración de Escolas de Rugby de Galicia ten previsto o seu comezo ás 10.30 horas deste próximo sábado 24 de maio.
Serán horas de diversión até finalizar co tradicional terceiro tempo, cunha comida na contorna da Seca.